Frå mandag 24. mars startar arbeidet med Knarrvikatunnelen. Dette er den fjerde og siste vegtunnelen på Sotrasambandet vi startar opp sprengningsarbeid på. Arbeidet vil pågå heile 2025.
Vi driv tunnelen frå aust ved Knarrevik mot Arefjordpollen. Første salve er venta mot slutten av veke 13.
I starten av arbeidet må vi stenge rv. 555 i korte perioder når vi sprenger, av omsyn til sikkerheit. Dette skjer utanfor rushtid. Vi må også stenge sidevegen frå Hjelteryggen opp mot rv. 555.
Gang- og sykkelvegen langs riksvegen blir også stengt under sprengning. Vi ber gåande følge instruksjonar frå vaktar i området.
- Tunnelen blir cirka 650 meter lang.
- Tunnelen får to løp, med to felt i kvart løp.
- Gjennomslag i tunnelen er venta mot slutten av 2025.
Arbeidstid:
Heile døgnet ved tunnelarbeid. Det vert ikkje støyande arbeid mellom kl. 23:00 og 07:00. Avvik kan førekome, men vi jobbar etter beste evne for å unngå det.
Støy:
Arbeidet med tunnelen kjem til å innebere pigging og sprengning, som vil føre til støy og vibrasjonar i området. Når vi sprenger vil naboar merke rystingar som kan kjennast godt.
Les meir om sprengningsarbeid her: Informasjon om sprengningsarbeid
Stein frå sprengninga vil bli frakta vekk med lastebil til Storavatnet og Arefjordpollen.
Varsling:
Naboar og berørte kan melde seg på SMS-varsling for sprengningsarbeid ved å sende namn og nummer på e-post til varsling.a6@slcjv.no.
Sprengning vert varsla på SMS 30 minutter før salve går av. Det vert også varsla med kraftig sirene i ca. 1 minutt før salve går av.
